˝දරුවන් සහ පැටවුන්˜ යනු හුදෙක් සතුන් පිළිබඳ කතා එකතුවක් ම නොවේ. එය සොබාදහම සහ මිනිසා අතර පවතින අවිහිංසක, පරම පිවිතුරු බැඳීම පිළිබිඹු කරන අපූරු කැඩපතකි.

පෝෂණය සහ අධ්‍යාපනය මෙන්ම සහජීවනය සහ නිදහස් ජීවන රටාව දරුවෙකුට කෙතරම් වැදගත්දැයි ඔල්ගා පෙරොස්කයා සිය ප්‍රබන්ධයෙන් මනාව පසක් කරවන්නී ය.

මෙහි එන සෑම කතාවකින් ම පාඨක අපට ඈ කියා දෙන්නේ ජීවිතයට ඉතා වැදගත් පාඩමකි.

මෙම කෘතිය, තාක්ෂණික ලෝකයක හුදෙකලා වන දරුවන්ට, සොබාදහමට  ‌පෙම් කරන, සතුන්ගේ හදගැස්ම හඳුනන සහ එකිනෙකා කෙරෙහි සංවේදී වන ¨මිනිසුන්˜ වීමට නිසැකව ම මගපෙන්වනු ඇත.

ඔල්ගා, යූලියා, සෝන්‍යා සහ නතාෂා සිවු සෝවුරියන් ද, ඔවුන්ගේ සුරතලුන් වූ ඩියන්කා, ටොච්චික්, මිෂ්කා, ඉෂ්කා, මිල්කා, වස්කා, ෆ්‍රන්තික් සහ පාඨක හදවත් තුළ සදාකාලිකවම ජීවත් වනු ඇත.